騷牢is late，但騷牢is here。今集由電話騙案，講到用電話同電腦嘅習慣。我哋發覺隨住科技嘅進步，人同人之間嘅信任都少咗。點解溝通嘅門檻越低，隔膜反而越厚？最後，願世界再沒有騙案。

人，可以黑到咩地步？人生不如意事十常八九，唔知大家有無試過覺得自己有一段時間做咩都唔順利呢？點解不幸嘅事情總係會接踵而來㗎呢？我哋今集就睇下呢個係事實定只係我哋嘅limited belief。聽完呢集嘅大家都會好順利，成為更好更開心嘅自己！

今集同大家講下書呢樣嘢。書展係咪變咗質？實體同電子書係咪敵對嘅關係？我哋仲有咩地方，可以搵到生活嘅儀式感？有，就係聽騷牢嘅podcast。（本身話分兩集，不過都係一次過出）（今集edit做咗啲新嘗試，唔知大家鍾唔鍾意？）（我哋連description嘅排版都改埋，咁係咪會易睇啲？）

上星期經歷咗少少意外，順延到今日先出到將近一個月前錄音嘅呢集⋯⋯呢集先係實際我哋用新器材嘅第一次錄音。喺暑假嘅季節，騷牢分享咗啲最近去旅行嘅少少見聞同趣事，大家不如一齊聽下我哋去咗邊？

今集打咗本身錄好嘅兩集嘅尖，因為香港喺今屆奧運大放異彩，所以我哋都講下唔同關於奧運嘅立雜嘢，我哋一齊聽住呢一集，繼續為香港嘅運動員打氣！